حصى الكلى

كتب بتاريخ 7Drs على

حصى الكلى هو عبارة عن تجمع صلب من  الكريستالات اللي هي شوائب عالقة في البول ، وبتكون بتركيز مشبع متل القطر …..  كل ما قل الماء في القطر وزاد السكر بترسب السكر وبكونلنا  كريستالات مترسبة أو ما يعرف بحصى الكلى .

” الأعراض “:

ألم الحالب – وبمتد الالم عندو من الخاصرة للمثانة .

ألم المثانة- وبمتد من اسفل البطن لأعلى القضيب عند الذكر.

ألام الالتهابات المتكررة أو الفشل الكلوي أو فقر الدم أو السبيلة.

حصوة الكلى  ممكن تصيب الأطفال كمان ، فإذا كان طفلك بيعاني من الام البطن ، الخصر او الظهر.

وكان بيتعرض للغثيان والإستفراغ ، أو إذا لاحظت وجود  دم في البول ….ف ضروري زيارة الطبيب.وبالنسبة للأطفال ممكن بيكون سببها تشوهات خلقية في الجهاز البولي

عشان هيك رح نذكر دايما نشرب أطفالنا سوائل كتير خصوصا الماء ونبعدهم عن الاكل المالح

وندير بالنا انو يضلو محافظ على وزنه المثالي ونبعده عن السمنة  .

أسباب حصوة الكلوة بترجع لتعريفه : وهو زيادة تركيز الكريستالات في البول . لكن ممكن كمان تكون الأسباب وراثية . أو نتيجة للالتهابات المتكررة . أو اذا صار انسداد مجرى البول الجزئي او الكامل . أو اذا كان عند المريض أصلا  مشاكل في الهضم .

دراسة حديثة  :

الدراسة الحديثة اللي رح أخبركم عنها رح تخلي المشاهدات الصبايا يخافوا أكتر . ليش . لأنو عدد الإناث اللي بيتعرضوا لحصى الكلى، بيرتفع يوم بعد يوم .و السبب هو امتناع نسبة كبيرة من الإناث انهم يستخدموا الحمام الموجود في مكان الشغل او مكان الدراسة .لافتقار هاي المراحيض للنظافة العامة.حسب رأي هالفتيات .وحتى ما يضطروا انهم يستخدموا هاي الحمامات فبتلاقيهم امتنعوا عن شرب الماي . لكن هدا السلوك بيؤدي لتجمع و ركود البول في الجهاز البولي، من جهة .ولجفاف من جهة أخرى. وبهيك بتزداد كثافة البول وبتترسب الأملاح و بخاصة الحامضية و وبتتكون الحصى .

دراسة حديثة :

والدراسة الحديثة التانية لليوم كمان بتحكي عن النساء المصابات بحصى الكلى .وبتقول الدراسة انو هالفئة بيزيد عندهم  خطر الإصابة بأمراض القلب بغض النظر عن عوامل الخطر المعروفة ، مثل السكري وارتفاع ضغط الدم . و هدا الشي ما لاحظوه عند الرجال لاسباب متل اختلاف الهرمونات بينهم و اختلاف ايض الكالسيوم . وبالتالي عشان ما تزيدي من خطر اصابتك بامراض القلب المختلفة . كتير مهم الوقاية من حصى الكلى .

  • بتتصنف أشكال حصى الكلى لعدة اصناف اعتمادا على شكل الترسبات الكريستالية :
  • منها الناعم
  • ومنها مخرمش
  • ومنها المدور
  • ومنها اللي على شكل قالب

ولنعرف نوع الحصى ، لازم نفحص عينات البول لمدة 24 ساعة .ونشوف نسبة الكالسيوم والاكسالات والفوسفات وحامض البوليك
وبالنسبة لأنواعها  فأهم نوع  هو المحتوي على الكالسيوم مع اوكسالات او فوسفات

والنوع الثاني هو اللي بيحتوي ع حامض البوليك كجزء من مرض النقرص اللي بيتنج من زيادة اكل اللحوم ومشتقاتها.

والثالث  نوع هو حصى الالتهاب.

ورابع نوع هو النوع الوراثي  وهو عبارة عن خلل وراثي بيخلي احماض امينية تتركز في البول وتتكون معه.

” شو نعمل لحتى تقلل الحامل فرص الإصابه بالمضاعفات ” :

ازا حسيتوا بألم شديد مستمرأو اذا كان فيه دم في البول او رائحته كانت كريهة مع ألم .

او اذا صار عنا حرارة عالية مع ارتعاش.

البقدونس والحصوة: تصحح الخرافة  :

ما فيه  أي اثباتات أو دراسات علمية كافية بتثبت انو البقونس او عصيره بيقلل من الحصوة . بالعكس .لأنه هو من الخضرة اللي بتحتوي على الاوكساليت . اللي ممكن  تزيد من احتمالية زيادة الحصى.

” الغذاء الصحي “:

استخدام المكملات الغذائية بشكل كبير ومن دون اشراف طبي .. ومن دون كمان  فحوصات طبية بيزيد من خطر الاصابة بالحصى ..  مثلا  فيه كتير ناس بيستهلكوا من مكملات فيتامين سي اكثر من 2 غرام باليوم …… هاد الشي بيزيد من الاصابة بالحصى خصوصي للي عانوا منها من قبل .

10% من الرجال و 7% من النساء بيعانوا من حصى الكلى

مع توقع زيادة عدد المصابين  بهالمرض في المستقبل . بسبب تغيير المناخ واسلوب المعيشة والغذاء والنصاحة المتزايدة .

لما يعاني شخص  من وجود اكتر من حصاة واحدة في الكليتين, وخصوصا لما يكون في  ميل عائلي لتكون حصى في الكلى , فمن الطبيعي مواجهة هالظاهرة ،اكتر من مرة   ،

لكن ، فيه اجراءات بتمنع معاودة تكون الحصى في الكليتين …… متل :

شرب  كميات كافية من السوائل….. يعني تقريبا من  8 – 10 كؤوس يوميا , ولازم نزيد كميات الشراب  و بشكل تدريجي , عن طريق مثلا انا نضيف كاسة واحدة من الماء كل يوم حتى نوصل للهدف تبعنا وهو  8 – 10 كؤوس يوميا.

احصائية :

من اهم المشاكل في حصى الكلى إنو نسبة عودة حدوثها بعد المعالجة بتوصل لـ50% خلال سبع سنوات اذا ما تعالجت  للوقاية من رجوعها .

دراسة حديثة:

السيدات من الممكن انهم يتعرضوا للأصابه بنوبات الالم اللي بتصاحب الحصى الكلوي ….. ووقتها ممكن تختلط عليهم الأمور …. وممكن يفكروا انه هاي الام الدوره …. او مضاعفات كيس على المبيض……. و السيدات الحوامل بشكل عام اكتر عرضه للأصابه بآلام الحصانة الكلوية  …… لأنو خلال الحمل بيتوسع الحالب تحت تأثير البرج سترون …… فإذا كان هناك حصى كلويه فمن الممكن انها تتحرك وتسبب الألم……..  عشان هيك كتيرمن المرات بنلاحظ انو فيه سيدات ما عرفوا انو عندهم حصى في الكلى الا لما كانوا حوامل .

اكثر الحصى شيوعا هو حصى الكالسيوم والاوكساليت .

وزمان ….. كانت المعالجة بتم عن طريق التقليل من الكالسيوم ……. لكن هاي الطريقة بتأثر بشكل مباشر على العظام ….. عشان هيك فالنصائح بالحصول على كميات الكالسيوم يوميا للرجال والنساء بكون من المصادر الغذائية مش من المكملات في حال وجود الحصى ….. وكمان لازم النظام الغذائي يكون قليل بالصوديوم والبروتين……

عشان هيك لازم نخفف قدر المستطاع من الاغذية اللي بتحتوي على الاوكساليت  متل

السبانخ

الفراولة

الشوكولاته

النخالة

المكسرات مثل اللوز والفستق واللوز الامريكي pecan

الشاي

الشمندر

الباميا والتوت وعصير التوت والبقدونس

وبرضو لازم ناكل الاكل اللي فيه  البروتينات الحيوانية باعتدال (مثل اللحوم والدجاج )

ونحاول دايما نخفف من الملح اللي بنضيفه على الاكل  ونبعد عن مثل المخللات والمرتديلا.

ولازم نكتر من الخضرة والفواكه اللي فيها معدن البوتاسيوم  . ونتأكد انه ما فيها اوكساليت.

وبالنسبة للي بيعانوا من حصى اليوريك أسيد

فحاول نبعد عن الاكلات الغنية بالبيورينز مثل سمك الانشوفي ، البط ، سمك الهرينج،
الكبدة و الكلى و الدماغ، سمك الماكاريل، مرق اللحم و الدجاج، سمك السردين، السكالوب.

ونخفف قد ما بنقدر من الدجاج، اللحوم، الاسبرجس، البقوليات مثل الحمص و الفول و الفاصوليا الناشفة، العدس، الفطر، البازيلاء السبانخ.والعسل والعصير الحلو.

” العلاج “:

لحتى نعالج حصى الكلى لازم نعرف نوع العلاج المناسب ….. فيه عنا علاج تحفظي ، وطبعا هادا بيتم بإنا بنعالج الالم  وبنعطي الادوية  اللي بتساعد على ازالة الحصى

وفيه علاج بيتم بتذويب الحصى …. وبتكون الحصى من النوع الشفاف او حصى النقرص او حامض البوليك  ….. فبتتذوب بالادوية وبيتحول  البول الى قاعدي بدل حمضي

وبالنسبة للعلاج الجراحي …. فإحنا بنلجأله  حسب نوع وحجم ومكان الحصوى

فممكن نعمل على تفتيت الحصى  بالامواج الصادمة

أو سحب الحصى من الجلد عن طريق المنظار

أو تفتيتها باليزر المباشر

او ممكن نعمل عملية منظارية عبر البطن

أو نلجأ للعملية الجراحية التقليدية
حسب حالة المريض

أما بالانسبى للعلاجات والاجراءات الوقائية ، فبتم عن طريق المحافظة على معدل اخراج البول اكثر من 2.5 لتر باليوم ……وهاد بيتم بشرب سوائل اكثر من 3 لتر يومياً .

فريق الاطباء السبعة للموسم الاول :

1.د.معتصم مسالمة

2.د.محمد جبر

3.د.زيد ابو غوش

4.د.رامي الكيلاني

5.د.ربى مشربش

6.د.حلا عريضة

7.د.فريدة طنوس