الحالات المفاجئة

كتب بتاريخ 7Drs على

الحرق ، تسمم الغذاء ، شرب الكاز، الاغماء، الالام الشديدة، و الاختناق بالاكل ، كلها  حالات طارئة ومفاجئة ممكن تصير مع أي  شخص بأي وقت وبأي مكان ..

التصرف الصحيح بيكون بالدقائق الأولى  ، لانها ممكن فعليا تحدث فارق  كبير ..

” كيفية التصرف في الحالات الطارئة ” :

” الالام الشديدة” : الاشي المثير للدهشة هو ان الالام الشديدة ما بتدل على مدى خطورة المشكلة او على ضرورة تقديم العلاج .
في كتير من الحالات, بيكون الالم مرتبط باعراض تانية ، وبتدل على مدى خطورة الحالة.

مثلا , الالم الناجم عن  اصابة كبيرة و خطيرة , متل كسر الساق, بيدللنا انو هالحالة لازم تتلقى  العلاج مباشرة .

وطبعا بتختلف شدة الالم من انسان للتاني . و بتتغير شدة الالم وبتختلف, عادة اعتمادا على عوامل نفسية مع هيك بيستلزم الالم الشديد تلقي العلاج الفوري , وحتى لو كان الغرض تخفيف الالم وبس .  حتى لوما كان  مسبب الالم خطير.

” حوادث السيارات” : اعراض اصطدام بالسيارات بتكون ظاهرة على الجلد الممتقع والندي ، اضافة طبعا لنبضه  المتسارع والتنفس السطحي او السريع او الغير منتظم .

وبهالحالة لازم تتأكد من انو المصاب يضل متدفي ومتمدد على ظهره ، ويخلي رجليه رافعات  30 سنتمتراً فوق مستوى رأسه تقريبا ،  هدا الوضع بيحافظ حرارة الجسم وبيساعد الدورة الدموية حتى وصول الاسعاف  .

وفيه نصيحة مهمة وهي ، ما تحاول تنقل المصابين من ماكنهم الا اذا كان هالشي  ضروري لسلامتهم .

حاول تخفف عليهم وهديهم وطمنهم انو الامور حتكون بخير .

اذا كان واحد منهم بينزف من أذنيه أو انفه أو تمه ، فممكن تكون جمجمته متصدعة ، عشان هيك لازم يضل  بلا حركة ، لتخفف من احتمال تفاقم النزف . اذا كان بيحس بخدر او نمل في ساقه او وحده من اطرافه ، فهادا بيدل على اصابة خطيرة في ظهره او رقبته، وفي هالحالة  فأي حركة ممكن تسببله  تفاقمات في حالته

. حاول خفف صعوبة تنفسه بوضع رأسه للخلف  لفتح مجرى التنفس لحد ما يتم اسعافه الاسعاف اللازم .

“ابتلاع الكيماويات” : في حالة ابتلاع الكاز او اي مواد تانية متل مواد تنظيف ، لازم الاسراع مباشرة لأقرب مشتشفى او مركز صحي او طلب سيارة اسعاف

وضروري جدا ، عدم محاولة التقيؤ من باب انو نطلع  السائل اللي دخل الجسم .

ممكن شرب  رشفات صغيرة  من الميه بس من دون ملح

وما ننسى طبعا اخذ عينه من السائل الذي بلعه المريض في حال عدم التاكد منو .

“ضيق التنفس” : اذا كان الانسان بيعاني من ضيق في التنفس, حتى في وقت الراحة فهاد بيدل انو بحاجة لتلقي العلاج الطارئ .

السبب الرئيسي لضيق التنفس عند  الشباب وقت الراحة هو متلازمة فرط التنفس (hyperventilation syndrome), اللي ما ممكن  تشكل مصدرا للقلق . ومع هيك  اذا ما كنا عارفين مصدر الضيق في التنقس ومسببه الحقيقي , فلازم نتوجه لتلقي العلاج الطبي فورا .

“نزيف الانف” : في حالة نزيف الانف لازم نتبع الخطوات التالية :
أول اشي  تكون وضعية الجلوس  في وضع قائم مع انحناء الرأس شوية لقدام ، وهالشي  لمنع دخول الدم إلى البلعوم.

بعدين لازم نضغط  الإبهام والسبابة على طرف الأنف اللين لمدة خمس دقائق متواصلة ، مع التنفس من الفم. وإذا استمر النزيف لازم نضل ضاغطين  لمدة عشر دقائق.

وتالت شغلة بنعملها هو انا نحط  قطرة في الأنف أو حشوة من القطن مع الاستمرار في الضغط على الأنف.

ولنعمل على تضييق الاوعية الدموية بنحط قطعة من الثلج أو كمادة باردة أعلى الأنف

.

ما رح ننسى نذكركم بتجنب  القيام بأي مجهود خلال الاطنعشر  ساعة بعد النزيف

.

وطبعا نتجنب نحط الإصبع جوا الأنف لأنو هالشي بيؤذي الغشاء المخاطي وبيسبب النزيف مرة تانية

ولمنع جفاف الأغشية المخاطية لازم نرطب الانف بالكريمات والغسول  المناسب .

“فقدان الوعي” : فيه اسباب كتيره لفقدان الانسان وعيه في حالة

وبهاي الحالة لازم نتذكر نعمل ما يلي :
أول اشي نتأكد من فقدان وعي المصاب عن طريق النداء عليه او هز كتفه
ولازم مباشرة نطلب المساعده بالاتصال بالاسعاف
من الضروري نتاكد من ان المصاب بيتنفس عن طريق فتح مجرى الهواء ومن بعدها  حس ، شوف  و اسمعوتاكد من وجود النبضواذا كان النبض والتنفس موجودين  فلازم تتاكد تعمل التالي افتح مجرى الهواء للمصاب وحافظ عليه مفتوح ارفع رجلين  المصاب عن طريق حط مخدة ه او اي اشي تحتهم حافظ على انو يكون المصاب متدفي منيح  ما قدرت تتصل  بالاسعاف انقل المريض لاقرب مستشفى .

“النزيف” :

أعراض  كتيرة لازم كل السيدات يتنبهولها ويراجعوا الدكتور لما تصير  .

ومن هالأعراض ازا كان  نزيف الدوره شديد لدرجه نزول كتل مع الدم او انو يوصل للملابس الداخلية او مثلا  تستمر الدوره لاكثر من ٧ ايام ، اذا ما تم التنبه لهالأعراض كلها فهاد بيؤدي لفقر الدم ومضاعفات خطيرة كتيرة  .

ومن الاعراض كمان حصول الام شديدة في أسفل البطن عند الفتيات اليافعات  وهالعارض بيدل على اصابتها بال ovarian torsion

وتالت حالة هي السيدات المتزوجات الي بتفوتهم الدوره لشهرين وبشعروا بألم أسفل البطن ، لازم يراجعوا الدكتور ليتأكدوا انو الحمل  مش برا  الرحم.

وكمان نزول الدم عند السيدة الحامل خلال الحمل هو سبب لمراجعه الطبيب والتأكد من صحه الحمل .

“التسمم الغذائي”: في حالات التقيؤ والاسهال وارتفاع الحرارة: لازم نتبه للأشياء التالية ، اولا تعويض السوائل اللي بفقدها المريض من خلال شرب الميه و الشوربات و مرقة الجاج او اللحم.

كمان تقديم اطعمة سهلة الهضم ومطبوخة بشكل كامل.

و ف الاطعمة اللي بتحوي عالكافيين متل القهوة و الشاي  و المشروبات الغازية
. ونخفف كمان من السكر والسكريات والحلويات.

ونخفف كمان من البقوليات لانها بتحتوي على نشويات منها raffinose

وبالمقابل فإحنا بننصح بتناول الاطعمة اللي بتحتوي على  prebiotic component  مثل البكتين والفركتوز  و oligosaccharides  وinulin   والموجودة في الشوفان والهندبة  والارضي شوكي  والموز وطبعا الارز المسلوق , الشوفان و البطاطا المسلوقة .

“الدم في البول” :

نزول الدم في البول إشي كتير خطير واسبابه هي  ,الحصى او الالتهابات اذا صاحب الدم الم

اما اذا كان نزوله بلا الم فلازم يعملالمريض فحوصات شعاعية ومخبرية لأنه ممكن يكون شيء حاوي صبغة او جرح وممكن يكون ورم.

وعشان نعرف السبب لازم نراجع اخصائي جراحة ومسالك وبعملنا فحوصات بول ودم واشعة واذا ما وجد السبب بيضطر لعمل منظار للمثانه البوليه والحوالب

المهم ما لازم نستهين بنزول الدم في البول..

ومن الألام المفاجئة كمان الام المغص الكلوي الحاد ، هالالم بيتعرضله الانسان في منطقة الخاصرة وهو اكثر الم شدة في حياة المريض وممكن يصاحبه لعيان ومراجعة وسببه حصوة في الحالب او الكلية

اذا صاحب هالالم حرارة عالية و رجفتن او قشعريرة فهذا ممكن يكون التهاب في الكلى

بالنسبة للحل فهو مراجعة اقرب قسم طوارىء لاخذ الفحوصات والعلاج بمخففات الالم واثبات وجود حصى او الالتهاب وعلاجها بالمضادات الحيوية او ازالة الحصى

للاسف ما بنقدر نواجه هالألم في البيت غير الوقاية من حدوثه بشرب السوائل.

“الاختناق بالطعام” : ممكن يغص حدا منا  بقطعة من اللحم. لازم بالبداية نسأله  اذا كان بيقدر يحكي أو لأ ،  اذا قدر ، فمعنى هالإشي انو الهواء بيدخل الى رائتيه وبالتالي فبيقدر انو يسعل ويقذف العائق اللي بيغص فيه لبرا ، اما اذا ما قدر يحكي فلازم تضربه ضربات سرية وقوية على ظهره بين عظمتي الكتفين.

و لا تحاول ازاحة العائق باصبعك او دفع ماء او شراب في بلعوم المصاب .

اذا ضل  مجرى التنفس مسدوداً، استخدم مناورة هيمليخ  الظاهرة في الصورة ، و كرر الحركة حتى إزالة العائق .

“الام الأسنان” : الحالات الطارئة في الاسنان بتحتاج مراجعة طبيب الاسنان ، بس في بعض  الحالات فيه  اشياء ممكن تعملها لتقلل من مضاعفات المشكلة .

اكتر مشكلة شيوعا هي وجع الاسنان و بهاي الحالة اغسل تمك بمية دافية ،  نظف سنانك منيح و تاكد انه ما في اكل معلق بالسن ،  و ممكن اذا كان في تجويف بالسن تحط فيه قطنة عليها زيت القرنفل و هدا الشي بيخفف  الوجع شوي لحتى تراجع الدكتور

 و في شغلة كتير غلط بيعملوها الناس
وهي انهم بيحطوا حبة مسكن الالم على اللثة بجانب السن وهذا الشي  بيسبب حرق بهديك المنطقة.

شغلة تانية كتير يتصير مع الكبار و الصغار وهي ضربة على الاسنان او وقعة عليهم وهذا بيادي لكسر جزء من السن ، وبيتحرك السن من محله او بيوقع السن كامل من محله وبهاي الحالات اكيد لازم تراجع طبيب الاسنان مباشرة

بس اي جزء مكسور من السن احتفظ فيه ،  اذا وقع السن كامل من محله و اذا كان سن دائم لاقي السن امسكه  من التاج وماتلمس الجذر و اذا كان عليه وسخ اغسله بالمي بدون ما  تفركه و اذا قدرت ترجعه على محله بيكون كتير منيح بس بدك تتاكد  انك ترجعه بالطريقة الصح و اذا ما قدرت حطه بكاسة فيها
حليب او كاسة فيها جمع فيها لعابك و حطه فيها ومباشرة روح على طبيب الاسنان وتلقى العلاج الملائم .

نصيحة نهائية : يقدم نصيحة نهائية عن الحالات الطارئة وان من يقدم العلاج والاسعاف الاولى بيده ان يجعل الحالة قابلة للعلاج اللاحق او ان يفاقم المشكلة .

فريق الاطباء السبعة للموسم الاول :

1.د.معتصم مسالمة

2.د.محمد جبر

3.د.زيد ابو غوش

4.د.رامي الكيلاني

5.د.ربى مشربش

6.د.حلا عريضة

7.د.فريدة طنوس